Nor gara

XXK osatzen dugunok feminismoak ardatz izango dituen proiektu bat elkarrekin eraikitzeko nahiarekin elkartu gara. Hortik, beste pertsona eta kolektibo batzuekin nahastea bilatzen dugu. Eguneroko bizitza onak pertsona guztientzat errealitate izango diren mundu bat eraikitzen lagundu nahi dugu, baita planeta bizi baten esparruan partekatutako erantzukizun bat ere.

XXK abentura bat da, eta denok parte hartzen dugu gure asanbladako kide gisa. Eta gutako batzuek konpromiso politiko-bizi hori diru-sarreren sorrerarekin ere uztartzen dugu..

Feminismoak gure jardunaren erdigunean jarri nahi ditugu, baina beste eremu kontrahegemoniko batzuekiko –hala nola, ekologismoa, internazionalismoa, deshazkundea, antikapitalismoa, etab. – loturari eutsiz beti. Eta gehiago ere bai!, ikuspegi horien arteko loturak sendotuz eta errealitatean, askapen eta subertsioaren ikuspuntutik eragiteko eta hura ulertzeko balioko duten eremuak sortuz.

Eraldaketa sozial, politiko, kultural eta ekonomikorako erabilgarriak izango diren ezagutza eta pentsamendu kritikoa sortzen lagundu nahi dugu, eta hori jasangarritasuna, burujabetza, elkartasuna eta dibertsitatearen barruko berdintasuna moduko balioetan oinarrituta egin nahi dugu, gainera.

Eta hori guztia beste batzuekin batera egin nahi dugu, eta gure ezagutzak eta gure esperientzia behar duenaren eskura jarrita. Eraldaketa hori bultzatzen duten norbanako eta kolektiboei (gizarte mugimendu, gizarte zibil, espazio komunitario, akademiko, erakunde publiko, GGKE, etab.) tresnak sortzen lagundu nahi diegu; tresna analitiko eta metodologikoak, eragiteko, ekiteko eta esku-hartze politikorako.

Hurrengoak XXK-ko asanbladako kide gara: Amaia A. E., Amaia P. O., Cristina S. I., Elis S., Marta P. S., Monika S., Ruth C. V., Sara L. F., Silvia P. L., Sira R. A. eta Valentina L.

Diru sarreren sorreran gaude:

Silvia Piris Lekuona

Soziologoa eta Emakume eta Gizonentzako berdintasunerako Agentea eta Nazioarteko Kooperazioko masterrak. XXK sortu arte, lana eta militantzia bateratu ahal izan ditut feminismoaren eremuan, elikadura-burujabetzan eta elkartasun internazionalistaren alorrean, bai ikerkuntzari, bai formazioari, bai politika publikoen garapenari dagokienez.

Gaur egun bidaide onak ditut, bidea oinez egiten delako ideian sakontzen eta amestutako espazio eta mundu horiek modu jasangarrian eta bizigarrian eta une honetatik bertatik hasita praktikan jartzen ahalegintzen gara.

Amaia Pérez Orozco

Ekonomia ikasi nuen, eta ekonomizismo ortodoxoenean doktrinatu nahi izan ninduten, baina ikuspegi kritikoek erakarri ninduten. Nazioarteko Ekonomian eta Garapenean doktore naiz. Hogei urte baino gehiago daramatzat bizitza erdigunean jartzeak zer esan nahi duen, eta horren ondorioz, mundua ulertzeko modua eta apustu politikoak nola aldatzen diren asmatu nahian. Gaur egun hori bera egiten jarraitzen dut XXK-ko kideekin. Hemen daude lan-bizitza batean zehar metatutako ilusio eta jakintzak, “lerro zuzenik gabe”; askotarikoa, oparoa eta Espainiako estatuan errotua, baina globalerantz zabalik, Latinoamerikarantz batik bat.